എന്തിനു കാലം തെറ്റി
വന്നു വിഷുപ്പക്ഷി
നിന്നിണക്കിളി നിന്നെ
വേര്‍പിരിഞ്ഞോ?
ഈ മുളം കാട്ടിലും
ഈ മലര്‍ത്തോപ്പിലും
തേടുകയാണോ നിന്‍
പ്രിയതമയെ....?
എന്തിനു കാലം തെറ്റി
നീലാംബുജങ്ങള്‍
മറന്ന തടാകങ്ങള്‍
നീരദപാളിയുറഞ്ഞ
വെണ്മേഘങ്ങള്‍
നിന്‍ മിഴിത്തുമ്പില്‍നി
ന്നിറ്റിറ്റു വീഴുമീ
കണ്ണീര്‍കണങ്ങളില്‍
തെളിഞ്ഞിടുന്നു....
എന്തിനു കാലം തെറ്റി.......
അന്നു നിന്നിണയുടെ
കൊഞ്ചല്‍ നിന്‍ ജീവനില്‍
സുന്ദരരാഗത്തേന്‍
ശ്രുതി പകര്‍ന്നു....
ഇന്നീനൊമ്പര
ചെങ്കടലില്‍ നിന്റെ
ജന്മമൊടുങ്ങുന്നീ
സന്ധ്യകളില്‍....
എന്തിനു കാലം തെറ്റി......
**************
No comments:
Post a Comment